رجب کا چاند آیانظر
اسلامی کیلنڈر/ہجری سال کے ساتویں مہینے رجب کا چاند ۲/فروری کو نظر آگیا ہے۔ ۳/ فروری کو رجب کی پہلی تاریخ ہے۔
رجب کامہینہ اُن چار مہینوں سے ایک ہے جن کو قرآن کریم میں "حُرُم" (یعنی حُرمت والے مہینے) کہا گیا ہے۔
اب دو مہینے بعد انتہائی خیروبرکت اور فضیلت والے مہینے رمضان کا چاند نکلنے والا ہے۔
رمضان کا بابرکت مہینہ پانے کی ابھی سے دعا شروع کردینی چاہیے۔
حدیث شریف میں آتا ہے کہ خود نبی کریم صلی اللہ علیہ وسلم کامعمول بھی یہی تھا کہ رجب کاچاندنظر آنے پر آپ یہ دعا فرماتے تھے:
"اے اللہ! ہمارے لیے رجب اور شعبان میں برکت عطا فرمادیجیے اور ہم کو رمضان تک پہنچادیجیے!"
اس لیے ہر امتی کو چاہیے کہ اس دعا کو اپنا معمول بنائے۔
زیرِ نظر تصویر میں رجب کے پورے مہینے کی تاریخ انگریزی تاریخ کے ساتھ درج ہے، اس کو محفوظ کرلیں تاکہ بوقتِ ضرورت استفادہ کرسکیں!
یہ در اصل قاسمی ہجری کیلنڈر ۱۴۴۳ھ کا ایک ٹکڑا ہے۔ اس کیلنڈر کی پی ڈی ایف یہاں 👇 موجود ہے۔
اس کیلنڈر کی سب سے بڑی خصوصیت یہ ہے کہ اِس میں درج ہجری تاریخیں عموماً درست ثابت ہوتی ہیں۔ محرم سے جمادی الاخریٰ تک ہر ماہ اسی تاریخ میں چاند نظر آیا ہے جو اسمیں درج ہے۔
اس کیلنڈر کی ترتیب عام کیلنڈر سے ہٹ کر ہے، اس میں محرم سے ابتداء کرکے ذوالحجہ پر ختم کیا گیا ہے جو کہ اسلامی تقویم کی ترتیب ہے۔
اس میں اسلامی تاریخ کو اصل اور انگریزی تاریخ کو اس کے تابع کرتے ہوئے اسلامی تاریخ بڑی اور انگریزی تاریخ چھوٹی لکھی گئی ہے۔
اس کیلنڈر میں اسلامی اصول کے مطابق تاریخیں دائیں طرف سے لکھی گئی ہیں۔
اس کیلنڈر کی ترتیب و ڈیزائننگ ناچیز نے خود کی ہے۔
زین العابدین قاسمی
خادم جامعہ قاسمیہ اشرف العلوم نواب گنج علی آباد ضلع بہرائچ یوپی
یکم رجب ۱۴۴۳ھ بوقت شب
No comments:
Post a Comment